घुम्ती झ्यालका खयालहरु

घुम्ती झ्यालमा तपाईंहरुलाई न्यानो स्वागत छ | हुन त 'स्वागतै गर्नेले गलैंचामा,  सोफामा बसाउनुपर्ने हो, झ्यालमा त चिसो बतास पनि आउँछ, कहाँ न्यानो हुन्छ र ?' भन्नुहोला | तपाईं बसुन्जेल एक छिन घाम लागेको झ्याल सम्झिदिनुहोला, त्यत्तिले पुग्छ | फेरी 'यो चल्ती  झ्यालमा घाम कहाँ एकै ठाउँमा परिरहन्छ र?'  नभन्नुहोला | खासमा घाम घुम्ने भएको हुनाले नै झ्याल पनि घुम्ने बनाएको पो त | एकै ठाउँमा रहि   रहने  झ्यालमा त एकै छिन मात्रै पो घाम पर्छ नि, हैन र ? 

   

'घुम्ती' भन्नासाथ यो मनखुशी झ्याल हो भन्ने बुझिहाल्नु भयो होला | यहाँको पनि मनखुशी | पढ्नु , नपढ़नु, कमेन्ट गर्नु , नगर्नु हरेक कुरा यहाँको खुशी !  यो 'घुम्ती झ्यालका खयालहरु'  मेरा नितान्त व्यक्तिगत र पुराना तरानाहरु हुन् | समयक्रममा हामी सबै धेरै थोरै बदलिंछौँ |   मेरा कविताहरुको प्रसंग र उपादेयता पनि कम भएको छ कतिपय  ठाउँमा | 

लोड शेडिंगको बेला, कोठाभित्र बत्ति पनि छैन | आउनुस झ्यालमा बसेर कुरा गरौँ |