थाप
पटुका या पछ्यौरी जे सुकैमा थाप
रुमाल भएदेखि त्यसैमा थाप
म रित्याउन चाहन्छु
यो कविताको डालो
यहाँ केहि कमसल कविताहरु छन्
पिंधमा छरपष्ट छरिएका
केहि खुद्रा भावनाहरु पनि छन्
र यसको भित्तामा, चोयाको कापमा अल्झेका
केहि शिर्षकहरु मात्रै पनि छन्
पत्रिकामा थाप या पातमा थाप
पसरमै पनि हुन्छ, थाप
म टकटकाउन चाहन्छु
यो कविताको डालो
यी छउन्जेल
राम्रा कविता लेख्नलाई
कुनै नयाँ विचार आउन दिएनन् |
No comments:
Post a Comment