नडराउनु कालसँग
डराउनु अकालसंग हो
काल मन्द हावाजस्तो हो
बगिरहने, चलिरहने
यसको प्रवाहसंगै
जरा पलाउँछन
टुसा निस्कन्छन
हाँगा पलाउँछन्
पात छिप्पिन्छन
र अग्लो
ठूलो
प्यारो बन्दै
फैलिन्छ र झ्यांगिन्छ रुख
फेरि पातहरु पहेंलिने,
झर्ने
ससानो हावामा पनि
बृद्ध हाँगाहरु टक्रक्क खस्ने
त्यो पनि काल नै हो
बिल्कुल साधारण, बिल्कुल प्राकृत
अकाल त हुरी पो हो
हरिया पातहरु झार्ने
कलिला डांठहरु भाँच्ने
लछार्ने , पछार्ने र चोइट्याउने
वच यससंग
डराउनुपर्छ अकालसंग
नडराउ कालसँग
No comments:
Post a Comment